Sürücülərin parkinqlərdə ödəniş işi asanlaşdı - VİDEO

Ödəniş etmək üçün elektron kartlar istifadəyə veriləcək ki, bununla da sürücülür rahat ödəniş edə biləcəklər. Bakı Şəhəri İcra Hakimiyyətinin Xüsusi Təyinatli Avtonəqliyyat İdarəsindən bildirirlər ki, müvəqqəti dayacaqlardan istifadəyə görə artıq telefon və elektron kartlarla da ödəniş etmək mümkün olacaq. Hazırda sürücülərin 80 faizi özləri parkomatlardan istifadə edə bilirlər. Çətinlik çəkənlərə orada olan nəzarətçilər kömək edir. Amma elektron kartlarla ödəniş sistemi tətbiq olunduqdan sonra bu problem də öz həllini tapacaq və heç kimin nəzarətçilərin köməyinə ehtiyaci qalmayacaq. Kartla ödəniş olanda qəbz verilməsi məsələsi də aradan qalxmış olacaq.

Ekspert Azər Allahverənovun sözlərinə görə, əgər nömrələrin avtomatik qeydiyyatı aparılarsa o zaman kart sistemi ilə ödəmə sürücülər üçün sərfəli ola bilər. Amma bu sistem tam halda tətbiq olunmazsa , müsbət nəticə gözləməyin xeyri yoxdur. Həmçinin gələcəkdə kartların balansını elə parkomatlar vasitəsilə də yoxlamaq mümkün olacaq. Hazırda əsas çətinlik bəzi sürücülərin ödəniş etməkdən boyun qaçırmalarıdır. Amma əgər elektron kartlarla ödəmə olarsa, bu cür xoşagəlməz halların da qarşısı alınar.