Abşeronun yol polisi reyd keçirtdi: 10 avtomobil duracağa aparıldı - VİDEO

Abşeron Rayon Polis İdarəsinin Dövlət Yol Polisi Şöbəsinin əməkdaşları rayon ərazisində reyd keçirib. Avtosfer.az">Avtosfer.az xəbər verir ki, reyd zamanı qanunsuz taksi fəaliyyəti ilə məşğul olan, təhlükəsizlik kəmərindən istifadə etməyən, nəqliyyat vasitəsinə normativ tələblər pozulmaqla avadanlıq quraşdıran, sürücülük hüququ olmadan nəqliyyat vasitəsini idarə edən, o cümlədən pandemiya qaydalarını kobud şəkildə pozan sürücülər barədə inzibati məsuliyyət tədbirləri görülüb.

Abşeron Rayon Dövlət Yol Polisi Şöbəsinin baş inspektoru polis baş leytenantı Əli Cavadov Avtosfer.az">Avtosfer.az-a bildirib ki, reyd zamanı inzibati məsuliyyət tədbirləri ilə yanaşı sürücülərə qaydalara düzgün riayət etməyin vacibliyi izah olunaraq onlarla maarifləndirici danışıqlar da aparılıb.
O bildirib ki, bu cür reydlər Abşeron rayonunda mütəmadi olaraq keçiriləcək.

Təbriz