Ağsu aşırımında yollar qardan təmizlənir - DİN-dən AÇIQLAMA - VİDEO

Paytaxt və bölgələrdə günlərdir davam edən əlverişsiz hava şəraitiylə əlaqədar polis əməkdaşları hərəkət iştirakçılarının təhlükəsiz şəkildə mənzil başına çatması üçün gücləndirilmiş rejimdə xidmətlərini davam etdirirlər.

Ağsu aşırımında da yolların qardan təmizlənməsi istiqamətində istiqamətində çevik və operativ tədbirlər görülür. 

Avtosfer.az-ın məlumatına görə, bu barədə  Daxili İşlər Nazirliyinin Mətbuat Xidmətinin rəisi, polis polkovnik-leytenantı Elşad Hacıyev məlumat paylaşıb. O bildirib ki, hazırda Ağsu aşırımında yollar qardan təmizlənir, hərəkətin təhlükəsiz təşkili üçün  tədbirlər davam etdirilir. 

Avtosfer.az hər bir halda sürücülərdən yola çıxmazdan öncə avtomobilin texniki cəhətdən saz vəziyyətdə olmasına nəzər salmalarını və qış təkərlərindən istifadə etmələrini tövsiyə edir. Bununla yanaşı sürücülər qarlı havada sürət həddini aşmamalı və təhlükəli manevrlər etməməlidirlər. 

Nərmin