Avtomobil idarə edən bu şəxslərə XƏBƏRDARLIQ - VİDEO

Sükan arxasında halı pisləşən sürücü dünyasını dəyişib. Hadisə  paytaxtın Suraxanı rayonu Hövsan qəsəbəsində baş verib. 75 yaşlı kişinin idarə etdiyi avtomobildə qəfil halının pisləşdiyi bildirilir.  O, avtomobili saxlasa da dünyasını dəyişib.

"İlkin ehtimal kimi həmin sürücünün ürək tutmasından öldüyü deyilir."

Bu hadisə ürəyində problemi olan şəxslərin avtomobil idarə etməsini aktuallaşdırır. Həkim kardioloq Nemət Bəşirov deyir ki, sükan arxasında qəfil ölümlərin əsas səbəbi, ritm pozğunluğu və infarktdır. Bu səbəbdən də həkim yaşından aslı olamayaraq ürək-damar xəstəlikləri olan şəxslərin avtomobil idarə etməsini riskli hesab edirlər.

Bakı Şəhər Dövlət Yol Polis İdarəsinin baş inspektoru Araz Əsgərli bildirdi ki, ''Yol hərəkəti haqqında'' qanunda göstərilir ki, xəstə, yorğun və yuxusuz vəziyyətdə avtomobil idarə etmək təhlükədir. O cümlədən, sürücü xəstədirsə, sağlamlığı ilə bağlı şübhəsi varsa, ümumiyyətlə, sükan arxasına əyləşməməlidir.