Azyaşlılar yol hərəkəti qaydaları haqqında səhnəciklər göstərdi - FOTO

Bu gün Xəzər rayonu şəhid Ramiz Qasımov adına 216 saylı orta məktəbdə "Yol hərəkəti qaydalarına riayət edək, təhlükədən uzaq olaq" adlı maarifləndirmə tədbiri keçirilib.

Avtosfer.az xəbər verir ki, tədbirdə Xəzər rayon Polis İdarəsinin xidmət üzrə rəis müavini, polis mayoru Azər Məmmədov, İdarənin Yetkinlik Yaşına Çatmayanlarla Proflaktiki İşin Təşkili Bölməsinin rəisi, polis mayoru Eldar Əliyev, həmin bölmənin baş inspektorları, polis mayorları Xəyalə Həsənova və Natiq Allayarov,  Bakı şəhər Dövlət Yol Polisi İdarəsinin Təbliğat və İcrimai İşlər üzrə inspektorları, polis kapitanı Pərvanə Muradova və polis serjantı Elnur Mahmudov, Xəzər rayon DYPŞ-nin inspektoru Rəhman Mehdiyev, Xəzər rayon İcra Hakimiyyətinin baş məsləhətçisi Ofeliya Məmmədzadə, media nümayəndələri, məktəb rəhbərliyi, müəllimlər və şagirdlər iştirak ediblər.

Maarifləndirmə tədbirində məktəbin 1-ci sinif şagirdlərinin iştirakı ilə səhnəciklər təqdim olunub. Əsasən yol hərəkəti qaydalarını, piyada keçidi, svetoforun rəngləri azyaşlıların tamaşasında təqdim edilib.
Məktəblilər şeirlər və mahnılar səsləndirib.
Tədbirdə çıxış edənlər azyaşlılar arasında yol hərəkəti qaydalarının erkən yaşlarda öyrədilməsinin əhəmiyyətini vurğulayıb. Qeyd olunub ki, bu cür tədbirlər gələcəkdə uşaqların təhlükəsizliyin təmin olunmasına hesablanıb.

Sonda azyaşlılara hədiyyələr təqdim olunub.