Badamdarda yol polisinin bu hərəkətini videoya çəkib yaydılar - VİDEO

Paytaxtda polis əməkdaşı yolda qalan avtomobilin sürücüsünə köməklik göstərib.

Avtosfer.az-ın məlumatına əsasən, hadisə Yasamal rayonu Badamdar qəsəbəsində (Bakı şəhər Dövlət Yol Polisi İdarəsinin qarşısı) qeydə alınıb. Belə ki, hərəkətdə olan 14-BC-821 dövlət nömrə nişanlı “Ford Transit” markalı avtomobildə anidən nasazlıq yaranıb. Bu zaman DYP əməkdaşı  və başqa bir sürücü nəqliyyat vasitəsini itələyərək yolun hərəkət hissəsindən kənarlaşdırıb və yaranmış tıxacın qarşısını alıb.

Qeyd edək ki, yol polisinin bu davranışı digər sürücülər tərəfindən videoya çəkilib və sosial şəbəkələrdə paylaşılıb. İzləyiciləri bu hərəkəti yüksək qiymətləndirib.

Nərmin