Bütün qaydaları pozan “07” sürücüsü saxlanıldı - Rəsmi AÇIQLAMA - VİDEO

Bir neçə gün öncə saytımızda 99-RU-586 dövlət nömrə nişanlı “VAZ-2107” markalı avtomobilin sürücüsünün müxtəlif qayda pozuntuları törətməsiylə bağlı xəbər dərc olunmuşdu. Bakı şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli Avtosfer.az-a bildirib ki, sözügedən avtomobilin sürücüsü Vüqar Güləliyevin idarə etdiyi nəqliyyat vasitəsi saxlanılıb və mühafizə olunan duracağa yerləşdirilib. Onun barəsində İnzibati Xətalar Məcəlləsinin 332.1, 332.2, 342.2.2, 342.2.4, 342.5 və 342.7-ci maddələrinə əsasən protokol tərtib olunub.
Qeyd edək ki, saxlanılan şəxs avtomobilin loqosunu dəyişərək ön qeydiyyat nişanı olmadan idarə edirdi. Həmçinin “VAZ”a konstruksiya dəyişikliyi edən sürücünün nəqliyyat vasitəsini qəzalı vəziyyətdə sürdüyünü əks etdirən videolar da sosial şəbəkədə yayılmışdı.
Ümid edirik ki, xəbəri oxuyan və məsələdən xəbərdar olan gənc sürücülər bundan örnək götürəcək.

Nərmin