Dayanacaqda maşın saxlayıb yol polisi ilə mübahisə edən sürücülər həbs olundu - FOTO

İyunun 17-də saat 18:31 radələrində Xətai rayonu, Məhəmməd Hadi küçəsində “Yol Hərəkəti haqqında” Qanunun 52-ci maddəsinin tələblərini pozan sürücülər aşkarlanıb. 
Avtosfer.az xəbər verir ki, 77-EG-197 dövlət nömrə nişanlı, "Toyota Corolla" markalı avtomobilin sürücüsü Süleymanlı MirSüleyman Azad oğlu və 10-MB-820 dövlət nömrə nişanlı, "Mercedes" markalı avtomobilin sürücüsü Abbasov Şəhriyar Saleh oğlu ictimai nəqliyyatın dayanacağında dayanma-durma qaydalarını pozduqlarına və süni tıxac yaratdıqlarına görə yol polisi tərəfindən barələrində inzibati protokol tərtib olunub. Bu zaman sürücülər polisin qanuni tələbinə riayət etməyiblər. Nəticədə əraziyə Post Patrul Xidmətinin əməkdaşları dəvət edilib. 
Sürücülər Xətai rayon RPİ-nin 34-cü polis şöbəsinə aparılıb. Onlar barəsində toplanmış materiallar aidiyyəti üzrə məhkəməyə təqdim olunub. Məhkəmənin qərarına əsasən, sürücülər İnzibati Xətalar Məcəlləsinin 535.1-ci maddəsi ilə təqsirli bilinərək 20 gün müddətində inzibati qaydada həbs olunub.

Könül