Sükan arxasında yatan sürücü DYP avtomobillərinə çırpıldı - ANBAAN VİDEO

Dünən Xəzər rayonu ərazisində yol polisi avtomobillərinin iştirakı ilə yol qəzası baş verib.
Avtosfer.az xəbər verir ki, Mərdəkan-Zuğulba yolunda “Toyota” markalı avtomobil yol kənarında dayanmış Bakı Şəhər Dövlət Yol Polisi İdarəsinə məxsus “BMW” markalı xidməti avtomobilə çırpılıb. O da öz növbəsində qarşısında dayanmış digər DYP maşınını vurub.
Hadisənin videosundan görünür ki, DYP maşınının arxasında dayanmış polis əməkdaşı özünü zərbədən son anda qaçıra bilir. 
Bakı şəhər Dövlət Yol Polisi İdarəsinin baş instpektoru Araz Əsgərli Avtosfer.az-a bildirib ki, hadisə nəticəsində avtomobillərə ciddi ziyan dəyib. Xoşbəxtlikdən ciddi xəsarət alan olmayıb. “Qəza ötən gün axşam saatlarında Buzovna yolu istiqamətində qeydə alınıb. Arxadan gələn “Toyota Corolla” markalı avtomobil, DYP-nin xidmət avtomobilinə çırpılıb. Ölüm və xəsarət yoxdur. Maddi ziyan var. Araşdırma aparılır”.