“Diqqət, uşaqlar!” aylığı çərçivəsində tədbirlər davam etdirilir - VİDEO

Yeni dərs ilinin başlanması ilə əlaqədar olaraq, Azərbaycan Respublikası Daxili İşlər Nazirliyinin rəhbərliyinin göstərişinə əsasən 2023-cu ilin sentyabr ayının 10-dan oktyabr ayının 10-dək respublika ərazisində “Diqqət uşaqlar!” adı altında hərəkətin təhlükəsizliyi aylığının keçirilməsinə start verilib.

Sözügedən tədbirlə əlaqədar olaraq dövlət yol polisi qurumlarının əməkdaşları tərəfindən xidməti ərazidə uşaq və yeniyetmələrin iştirakı ilə baş vermiş yol-nəqliyyat hadisələrinin təhlili aparılıb, onların baş verməsinə səbəb olan amillərin aradan qaldırılması, bu sahədə profilaktik və maarifləndirmə tədbirlərinin daha gücləndirilməsi istiqamətində əməli addımlar atılıb.

Təhsil müəssisələrində keçirilən görüşlər zamanı şagirdlərə yol hərəkəti təhlükəsizliyi və yol hərəkəti qaydaları ilə bağlı ilkin məlumatlar verilib və öyrəndikləri biliklərin, yiyələndikləri vərdişlərin hər zaman onların köməyinə çatacağı vurğulanıb.