DYP “Abad məhəllə” layihəsində belə iştirak edir - VİDEO

Yasamal rayon İcra Hakimmiyyəti və Bakı şəhər Dövlət Yol Polisi İdarəsinin birgə keçirdiyi “Abad məhəllə” layihəsi davam etdirilir.
Avtosfer.az xəbər verir ki, layihə əsasında artıq 6 məhəllə abadlaşdırılıb. Belə ki, yollara piyada keçidləri, sürət hədinin aşağı salınması üçün xüsusi maneələr tərtib edilib. Üstəlik həyət daxilində 100-ə yaxın avtomobil üçün parklanma yerlər ayrılıb və uşaqların asudə vaxtlarını səmərəli keçirmələri üçün oyun qurğuları, söhbətgahlar, idman alətləri və bir çox avadanlıqlar sakinlərin istifadəsinə verilib. 
Aparılan tədbirlər zamanı Bakı şəhər DYP-nin baş inspektoru Araz Əsgərli və Yasamal rayon Dövlət Yol Polisi şöbəsinin əməkdaşları uşaqlara yol hərəkət qaydaları haqqında məlumatlar verib, onlarla marifləndirici təlimlər keçiriblər. 
Yasamal rayon İcra Hakimiyyəti aparatının şöbə müdiri Xəqan Teymurov bildirib ki, “Abad məhəllə” layihəsi sakinlərin rahatlığı üçün nəzərdə tutulub. "IDEA" İctimai Birliyi tərəfindən təşkil olunmuş layihə olduğunu vurğulayan şöbə müdiri belə tədbirlərin davam etdiriləcəyini qeyd edib.
 

Nurlan Sakitoğlu