Dövlət Yol Polisi Ağsu rayonunda reyd keçirib. Avtosfer.az xəbər verir ki, rayonda fəaliyyət göstərən taksi, eləcə də iritutumlu avtobus sürücüləriylə profilaktik söhbətlər aparılıb. Tibbi maskadan istifadə etməyən vətəndaşların və sürücülərin bəzilərinə xəbərdarlıq edilib.

Reyd zamanı 30-a yaxın avtonəqliyyat vasitəsi saxlanılıb, onlardan 15-ə yaxını qayda pozuntuları müşahidə edildiyindən İnzibati xətalar məcəlləsinin müvafiq bəndlərinə uyğun olaraq cərimələnib.

Reydin keçirilməsində əsas məqsəd “COVİD-19” infeksiyasına qarşı mübarizənin gücləndirilməsidir. Ağsu rayon yol polisi əməkdaşlrı tərəfindən bu kimi tədbirlər mütəmadi olaraq keçirilir və ilin sonuna kimi davam edəcəyi bildirilir.