DYP-dən xanımlara 8 mart sürprizi - VİDEO

Baş Dövlət Yol Polisi İdarəsi tərəfindən paytaxt ərazisində 8 Mart Beynəlxalq Qadınlar Günü münasibətilə tədbirlər keçirilib. 

İdarənin əməkdaşı, polis leytenantı Elvin Hacıyev Avtosfer.az-a açıqlamasında bildirib ki, rəhbərliyin göstərişinə əsasən YPX əməkdaşları tərəfindən xanımlara hədiyyələr təqdim olunub. Hər il olduğu kimi küçələrdə təmizlik aparan xanımlar ilk olaraq təbrik edilib. Onlarla maarifləndirici söhbətlər aparılıb və müxtəlif hədiyyələr təqdim olunub. Xanımlar onlara göstərilən diqqətə görə yol polislərinə təşəkkürlərini bildiriblər.