DYP “Formula-1”-ə görə yaranan sıxlığın qarşısını almağa çalışır - VİDEO

Aprelin 24-dən şəhərin bəzi küçə və prospektləri bağlandığından Yol Polisi sıxlığın qarşısını almaq üçün gücləndirilmiş rejimdə işləyir.

Yarışların baş tutacağı küçə və prospektlərlə kəsişən digər yollarda avtomobillərin hərəkətinə məhdudiyyət qoyulmaqla, istiqamət dəyişdirilib.

Bakı Şəhər Dövlət Yol Polis İdarəsinin baş inspektoru Araz Əsgərli deyir ki, bəzi yollarda hərəkət ikitərəfli təşkil olunub.

Bu arada Daxili İşlər Nazirliyi yarışları zamanı azarkeş zonasına gətirilməsi qadağan olan əşyaların siyahısını yayıb.

Nazirliyin mətbuat xidmətinin əməkdaşı Nurlan Əliyev deyir ki, siyahıda qeyd edilənlərlə gələn şəxslər yarışı izləməyə buraxılmayacaq.

Qeyd edək ki, Formula-1 Azərbaycan Qran-Prisi ayın 28-30 tarixlərində keçiriləcək. Bu müddət ərzində yollar bağlı olacaq.