DYP Səbaildə "Təmiz hava aylığı" ilə bağlı tədbirlər keçirib - FOTO - VİDEO

Bu gün Səbail rayon Dövlət Yol Polisi Şöbəsinin əməkdaşları rayon ərazisində "Təmiz hava" aylığı çərçivəsində maarifləndirici tədbir keçirib. 
Avtosfer.az xəbər verir ki, tədbir zamanı nəqliyyat vasitələri saxlanılıb və xüsusi texniki qurğu vasitəsilə yoxlanılıb. 
Yoxlama zamanı ixrac olunan zəhərli qazların miqdarı normadan artıq olduğu üçün həmin bəzi nəqliyyat vasitələrinin sürücüləri barəsində inzibati qaydada protokol tərtib olunub. 
Əksər avtomobillərdə göstəricilər normalara uyğun olub. Bəzi nəqliyyat vasitələrində isə normadan az artıq zəhərli qaz ixracı olduğu üçün DYP əməkdaşları sürücülərə xəbərdarlıq edib. Problemin tezliklə aradan qaldırılması tövsiyə olunub. 

Qeyd edək ki, analoji tədbirlər davam etdiriləcək.