Ekologiya postunda reyd: yük maşınları, avtobuslar, avtomobillər... - FOTO - VİDEO

Bu gün "Təmiz hava aylığı" çərçivəsində növbəti reyd baş tutub.

Avtosfer.az xəbər verir ki, Baş Dövlət Yol Polisi İdarəsinin Ekoloji Nəzarət Bölüyünün və Ekologiya və Təbii Sərvətlər Nazirliyinin əməkdaşları tərəfindən keçirilən reyd zamanı sürücülər maarifləndirilib. 

"Ekologiya postu"nda keçirilən tədbirdə ETSN-nin əməkdaşları xüsusi texniki qurğunun köməyi ilə avtomobillərdən ixrac olunan zəhərli qazların miqdarını ölçüblər. 

DYP əməkdaşları saxlanılan sürücülərlə profilaktiki söhbətlər aparıb. Onlara nasaz vəziyyətdə avtomobil idarə etməyin qanunvericiliyə zidd olduğu izah edilib. 

Eyni zamanda normadan artıq zəhərli qazların ətraf mühitə, xüsusilə insan sağlamlığına mənfi təsir göstərdiyi diqqətə çatdırılıb. Qeyd olunub ki, avtomobili saz vəziyyətdə saxlamaq ilk növbədə sürücülərin özlərinin və ailələrinin sağlamlığı üçündür. Həmçinin, inzibati məsuliyyət yaradan bu əməl qanunun tələblərinə ziddir.

Qeyd edək ki, may ayının 1-dən 31-dək ölkə ərazisində "Təmiz hava aylığı" devizi altında reydlər keçirilir.

Nərmin