Əks istiqamətə çıxan sürücü yol polisi ilə üz-üzə gəldi - VİDEO

Qaydaları kobud şəkildə pozan sürücü yol polisindən qaça bilməyib.

Avtosfer.az xəbər verir ki, tıxacda “tələsən” sürücü qoşa xəttin tələbini pozaraq əks istiqamətə çıxıb.

Sürücü yol hərəkət qaydaları kobud şəkildə pozaraq, həm öz, həm də digər nəqliyyat vasitələri üçün ciddi təhlükə yaradıb.

Belə ki, yolda yaranmış boşluğu “fürsət” bilən sürücü əks istiqamətdə hərəkətdə olan yol polisi avtomobili ilə üz-üzə gəlib. DYP əməkdaşı qayda pozan sürücünü saxlayıb və müvafiq tədbir görüb.

Qeyd edək ki, həmin sürücü barəsində İnzibati Xətalar Məcəlləsinin 327.4-cü maddəsinə əsasən 4 bal 150 manat cərimə tətbiq olunmalıdır.

Məhəbbət Tərlanoğlu