Gəncədəki zəncirvari qəza ilə bağlı DYP-dən AÇIQLAMA - VİDEO

Dünən(7 yanvar) “Zəncirvari qəzada 4 maşın toqquşdu; təhqiqatçı isə bir sürücünü günahkar çıxardı” başlığı ilə Avtosfer.az saytında xəbər dərc olunmuşdu.

Məsələ ilə bağlı Avtosfer.az-a DİN-in Mətbuat Xidmətinin Gəncə regional qrupunun baş inspektoru Eşqin Qasımov bildirib ki, sözügedən hadisə ilə bağlı Gəncə Şəhər Baş Polis İdarəsində müvafiq ekspertizalar təyin olunaraq araşdırmalar aparılıb:

“Araşdırma aparılan zaman avtotexniki ekspertiza təyin olunur. Ekspertiza nəticəsində manevr qaydalarını pozduğuna, sürrət həddini aşdığına, ara məsafəsi saxlamadığına görə hansı avtomobil qəzaya səbəb olduğu rəydə bildirilir. Həmin rəy ilə təhqiqatçı məsələyə hüquqi qiymət verir. Bu məsələ ilə bağlı da araşdırmaların nəticəsində müvafiq ekspertizaların rəyi əsasında məsələyə hüquqi qiymət verilib. Odur ki, hadisəni araşdıran polis əməkdaşı ilə bağlı səsləndirilən iddialar həqiqəti əks etdirmir”.

Məhəbbət Tərlanoğlu