İmişlidə “avtoş”luq edib “TikTok”da paylaşan sürücü saxlanıldı - RƏSMİ - VİDEO

İmişli rayonu ərazisində kobud qayda pozuntusu törədən sürücünün videosu sosial şəbəkədə yayılıb.

Avtosfer.az-ın məlumatına görə, 10-LO-250 dövlət nömrə nişanlı “Mercedes” markalı avtomobilin sürücüsü yolda təhlükəli manevrlər edib. Bu zaman onu avtomobildəki və öndə hərəkətdə olan “VAZ” markalı maşındakı sərnişin lentə alıb. 

DİN-in Mətbuat Xidmətinin Şirvan regional qrupundan Avtosfer.az-ın sorğusuna cavab olaraq bildirilib ki, görüntüylə bağlı İmişli Rayon Polis Şöbəsinin Dövlət Yol Polisi Bölməsinin əməkdaşları tərəfindən müvafiq araşdırmalar aparılıb və qeyd edilən qayda pozuntusunun Rəşad Quluzadə tərəfindən ötən ayın 25-də törədildiyi müəyyən edilib. Sürücü barəsində qanunvericiliyə uyğun tədbirlər görülüb və o, inzibati qaydada məsuliyyətə cəlb olunub.

Nərmin