Keçən il sərxoş tutlan sürücü bu il narkotikin təsiri altında yaxalandı - FOTO

Nizami rayon Dövlət Yol Polisi Şöbəsinin əməkdaşları sükan arxasında narkotik vasitələrin təsiri ilə avtomobil idarə edən şəxsi aşkarlayıb.

Şöbədən Avtosfer.az-a verilən məlumata görə, sürücü Bağırov Elvin Rafael oğlu idarə etdiyi 10-BJ-013 dövlət nömrə nişanlı, "Land Rover Discovery" markalı avtomobil ilə rayon ərazisində dönmə işığından istifadə etmədiyi üçün YPX əməkdaşları tərəfindən saxlanılıb. Sürücünün hərəkətləri şübhə doğurduğu üçün o, həkim müayinəsindən keçirilib. Məlum olub ki, sürücü narkotik vasitələrin təsiri altındadır.

Sürücü barəsində toplanmış materiallar aidiyyəti üzrə Nizami rayon məhkəməsinə göndərilib.

Aparılan araşdırmalar nəticəsində məlum olub ki, həmin sürücü ötən il sərxoş vəziyyətdə avtomobil idarə etdiyi üçün Nizami rayon DYPŞ tərəfindən saxlanılıb və barəsində müvafiq tədbir görülüb.

Fərid