Kəmər taxmadığı üçün saxlandı, narkotik vasitənin təsiri altında çıxdı - FOTO

Paytaxtın Nizami rayonu ərazisində təhlükəsizlik kəmərindən istofadə etməyən sürücü saxlanılıb. Avtosfer.az xəbər verir ki, 99-NJ-146 dövlət nömrə nişanlı, “Mercedes” markalı avtomobilin sürücüsü  Anar Əliyev Heydər Əliyev prospektində Nizami DYPŞ-nin əməkdaşları tərəfindən saxlanılıb. Sürücünün hərəkətləri şübhə doğurduğu üçün DYP əməkdaşları onu sərxoşluq və narkoloji testdən keçiriblər. Sürücünün narkotik vasitələrin təsiri altında avtomobil idarə etdiyi məlum olub.

Onun barəsində toplanmış materiallar əsasında İnzibati Xətalar Məcəlləsinin 329.1 (təhlükəsizlik kəmərini bağlamadan nəqliyyat vasitəsini idarə etmək) və 333.1 (nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə etmək) maddələri ilə inzibati protokol tərtib olunub və iş baxılması üçün Nizami rayon məhkəməsinə göndərilib.

Fərid