"Maşın bazarı"nın qabağında avtomobillərin qabağına qaçan şəxs həbs edildi

Mayın 27-də, Bakı şəhər, Yasamal rayonu, Mikayıl Müşfiq küçəsində (Maşın bazarının qarşısında) vətəndaşlar yolun hərəkət hissəsinə çıxaraq nəqliyyatın hərəkətinə təhlükə yaradıb. 
Avtosfer.az xəbər verir ki, maşın alqı-satqısı ilə məşğul olan şəxslər avtomobilləri saxlayır və tıxaca səbəb olurlar. Bununla bağlı ərazidə xidmət aparan DYP əməkdaşları həmin şəxslərə dəfələrlə xəbərdarlıq etsələr də bəziləri buna tabe olmayıb. 
Onlardan biri Şirinov Şamil Şakir oğlu barəsində İnzibati Xətalar Məcəlləsinin 535.1-ci maddəsi ilə inzibati protokol tərtib olunub. 28-ci polis bölməsində vətəndaşla bağlı toplanmış materiallar aidiyyəti üzrə Yasamal rayon məhkəməsinə təqdim edilib. Məhkəmənin qərarına əsasən Şirinov Şamil Şakir oğlu 10 gün müddətində inzibati qaydada həbs olunub. 

Könül