Nazir tağım komandirini yol polisinə rəis təyin etdi - ƏMR

Bakının Nərimanov rayon Dövlət Yol Polisi Şöbəsinə yeni rəis təyin edilib. Avtosfer.az-ın məlumatına görə, bununla bağlı daxili işlər naziri, general-polkovnik Vilayət Eyvazov əmr imzalayıb. Əmrə əsasən, polis kapitanı Hüseyn Əliyev Nərimanov rayon DYPŞ-nin rəisi vəzifəsinə təyin edilib.

Hüseyn Əliyev buna qədər Bakı şəhər DYPİ-nin Yol-patrul xidməti alayının 3-cü tağımının komandiri idi.

Qeyd edək ki, Nərimanov rayon DYPŞ-nin sabiq rəisi, polkovnik-leytenant Mahmud Abdullayev ötən ay xidmətdə olmanın son yaş həddinə görə təqaüdə göndərilib.