Nizami DYP-dən əməliyyat: qayda pozan yük maşınları aşkarlandı və... - VİDEO

Nizami rayon Dövlət Yol Polisi Şöbəsinin əməkdaşları qadağan olunmuş saatlarda rayon ərazisində hərəkət edən 11 yük avtomobilini aşkarlayıb. Avtosfer.az xəbər verir ki, rayonun Tofiq Abbasov küçəsində aşkarlanan nəqliyyat vasitələri mühafizə olunan duracağa yerləşdirilib və həmin sürücülər barəsində inzibati tənbeh tədbirləri görülüb.

Qeyd edək ki, Nazirlər Kabinetinin müvafiq qərarına əsasən 07:00-dan 22:00-a qədər yük avtomobillərinin şəhər ərazisində hərəkəti qadağandır.

Bu səbəbdən həmin nəqliyyat vasitələrinin hərəkətinə saat 22:00-dan sonra icazə veriləcək.

Könül Rauf