Nizamidə DYP əməkdaşları "Təmiz hava" aylığı ilə bağlı reyd keçirdi - FOTO - VİDEO

Paytaxtın Nizami rayonu ərazisində ekoloji tarazlığın pozulması hallarına qarşı maarifləndirici tədbir keçirilib.

Avtosfer.az xəbər verir ki, Nizami rayon Dövlət Yol Polisi Şöbəsinin əməkdaşlarının iştirakı ilə  "Təmiz hava aylığı" tədbirləri çərçivəsində növbəti reyd baş tutub. 

Tədbir zamanı sürücülər saxlanılıb, onlarla profilaktiki söhbətlər aparılıb. Eyni zamanda xüsusi texniki qurğunun köməyi ilə avtomobillərdən ixrac olunan zəhərli qazların miqdarı yoxlanılıb. 

Reyd zamanı zərərli qazların miqdarı artıq olan avtomobillərin sürücülərinin diqqətinə çatdırılıb ki, həm texniki nasazlıq, həm də katalizatorun olmaması bu problemləri yaradır. 

Bildirilib ki, zəhərli qazlar ərtaf mühiti çirkləndirir və insan sağlamlığına ziyandır. 

Reyd zamanı avtomobilləri həddindən artıq zəhərli qazlar ixrac edən sürücülər barəsində İnzibati Xətalar Məcəlləsinin müvafiq maddəsi ilə protokol tərtib olunub.

Nərmin