Nizami rayonunda "BMW" ilə avtoşluq edən sürücü saxlanıldı - FOTO

Bakının Nizami rayonu ərazisində qaydaları kobud şəkildə pozaraq avtoxuliqanlıq edən sürücü saxlanılıb. Avtosfer.az xəbər verir ki, 99-SE-059 dövlət nömrə nişanlı “BMW” markalı avtomobilin sürücüsü, 1999-cu il təvəllüdlü, paytaxt sakini Hacıyev Tamerlan Arif oğlu manevr qaydalarını ardıcıl olaraq pozaraq avtoxuliqanlıq hərəkətləri edib. Nizami rayon Dövlət Yol Polisi Şöbəsinin əməkdaşları tərəfindən saxlanılan sürücü barəsində toplanmış materiallar aidiyyəti üzrə Nizami rayon Məhkəməsinə göndərilib. Məhkəmədə sürücü İnzibati Xətalar Məcəlləsinin 327.1 (Yol nişanlarının və ya yolların hərəkət hissəsinin işarələrinin tələblərinə riayət edilməməsi), 510-cu (xırda xuliqanlıq) və 511.3 (mexaniki nəqliyyat vasitəsini qəflətən sürətləndirməklə davamlı olaraq təkərlərin yolun səthi ilə sürtünməsi səslərinin çıxarılmasına və ya yolun səthində çoxsaylı təkər izlərinin buraxılması) maddələri ilə təqsirli bilinərək sürücülük hüququ 1 il məhdudlaşdırılmaqla 800 manat məbləğində cərimə edilib.

Fərid