Nizamidə "avtoşluq" edərək video yayan sürücü həbs edildi – Vəsiqəsi alındı - VİDEO

Paytaxtın Nizami rayonu Keşlə qəsəbəsində kobud qayda pozaraq videoya çəkən və sosial şəbəkədə paylaşan sürücü yol polisi tərəfindən müəyyən olunub. 

Avtosfer.az-ın məlumatına görə, 77-GT-216 dövlət nömrə nişanlı “Mercedes” markalı avtomobilin sürücüsü 2000-ci il təvəllüdlü Ülvi Rahib oğlu Məhərrəmli Nizami rayon Dövlət Yol Polisi Şöbəsinin əməkdaşları tərəfindən saxlanılıb.
Sürücü barəsində İnzibati Xətalar Məcəlləsinin müvafiq maddəsinə əsasən protokol tərtib edilərək baxılması üçün Nizami rayon Məhkəməsinə göndərilib. Məhkəmə tərəfindən sürücü Ülvi Məhərrəmli 15 gün müddətində inzibati qaydada həbs edilməklə 1 il müddətinə sürücülük hüququndan məhrum edilib.

Qeyd edək ki, qayda pozan sürücüylə bağlı bir gün öncə saytımızda xəbər dərc olunub. Belə ki, o, avtoxuliqanlıq edərək yoldan keçən piyada və sürücülərə təhlükə yaratmışdı.

Nərmin