Sabunçu DYP reyd keçirdi: sürücülər maarifləndirildi - VİDEO

Bu gün Sabunçu rayon Dövlət Yol polisi Şöbəsinin əməkdaşları rayon ərazisində "Təmiz hava aylığı" çərçivəsində növbəti maarifləndirici tədbir keçirib.

Avtosfer.az xəbər verir ki, reyd zamanı sürücülər saxlanılıb və avtomobillərdən ixrac olunan zərərli qazların miqdarı yoxlanılıb. 

Sevindirici haldır ki, əksər avtomobillərdə zəhərli qazların miqdarı normalar çərçivəsində olub. 
Normadan az artıq zərərli qazlar ixrac edən avtomobillərin sürücülərinə xəbərdarlıq edilib və onlarla maarifləndirici söhbətləri aparılıb.

Eyni zamanda zəhərli qazların miqdarı normadan çox olan avtomobillərin sürücüləri barəsində İnzibati Xətalar Məcəlləsinin 342.5-ci maddəsinin tələblərinə uyğun olaraq 50 manat məbləğində cərimə tətbiq olunub və avtomobilləri təmir etmək tövsiyə edilib. 

Qeyd edək ki, bu cür tədbirlər mütəmadi olaraq "Təmiz hava aylığı" çərçivəsində davam etdiriləcək. 

Xatırladaq ki, may ayının 1-dən 31-ə qədər ölkə ərazisində "Təmiz hava aylığı" altında tədbirlər keçirilir.

Orxan