Sabunçu yol polisi məktəblərin açılması ilə bağlı tədbirlər keçirib - FOTO - VİDEO

Sabunçu rayon Dövlət Yol Polisi Şöbəsinin əməkdaşları məktəblərdə əyani tədrisin  başlaması ilə əlaqədar bir sıra tədbirlər həyata keçirir.

Bu gün Avtosfer.az-la birlikdə rayon ərazisində yerləşən, daha çox yol kənarlarında olan məktəblərdə maarifləndirmə işləri aparılıb.

Əsas məqsəd təhsil ocaqlarının qarşısında təhlüksəzilyin təmin edilməsi, azyaşlıların iştirakı ilə baş verən yol qəzalarının qarşısının alınması və bu hadisələrin başvermə səbəblərinin aradan qaldırılması  məqsədilə qabaqlayıcı tədbirlərin görülməsi üçün çatışmayan yol nişanlarının qoyulması, yararsız nişanların yenilənməsi, həmçinin nişanlanma xətlərinin çəkilməsi olub. Eyni zamanda məktəblərin qarşısında dayanma-durma qaydalarını pozan sürücülərlə maarifləndirici söhbətlər aparılıb.

Rayon yol polisi şöbəsinin  əməkdaşları həmçinin məktəblərin önünə Bakı Şəhər Dövlət Yol Polisi  İdarəsi tərəfindən  hazırlanmış xüsusi maarifləndirici  plakatlar vurub.
Qeyd edək ki, lövhələrdə şagirdlərin nəzarətsiz buraxılması, piyada keçidlərindən istifadə edilməsi, dərslərdə şagirdlərə yol hərəkəti qaydaları haqqında məlumat verilməsi, karantin qaydalarına riayət olunması öz əksini tapıb.

Orxan