Sahibi öldüyü deyilən maşına cərimələr necə yazılıb? – DYP AÇIQLADI - FOTO

Bir neçə gün əvvəl 10-UH-636 dövlət qeydiyyat nişanlı, “Opel” markalı avtomobilin sahibinin 4 il əvvəl həyatını itirdiyi və həmin maşının bu müddət ərzində idarə olunmamasına baxmayaraq cərimə edilməsi ilə bağlı xəbərlər paylaşılmışdı. 

Avtosfer.az xəbər verir ki, Baş Dövlət Yol Polisi İdarəsinin şöbə rəisi polkovnik-leytenant Rövşən Tağıyev məsələyə aydınlıq gətirib.  

Şöbə rəisi bildirib ki, Baş DYP İdarəsinin mərkəzi informasiya sisteminin məlumatı əsasında müəyyən olunub ki, avtomobil son dörd il ərzində paytaxt ərazisində mütəmadi idarə edilib və çoxsaylı qayda pozuntuları törədib. 

“Həmin qayda pozuntuları ilə bağlı elektron qərarlar  mərkəzi informasiya sisteminin məlumatı əsasında hazırda qüvvədə olan etibarnaməyə görə Şamil Rzayevin adına çıxarııb. Avtomobili faktiki idarə edən şəxsin vəsadəti əsasında qayda pozuntuları inzibati xətanı törədənin adına dəyişdirilə bilər. Ancaq bütün bunlar qayda pozuntusunun mövcud olması faktını dəyişmir”. 

Məhəbbət Tərlanoğlu