Salyan polisi reyd keçirdi: atmosferi çirkləndirən avtomobillər müəyyən edildi - FOTO

Salyan Rayon Polis Şöbəsinin Dövlət Yol Polisi Bölməsinin əməkdaşları tərəfindən "Təmiz hava" aylığı çərçivəsində tədbirlər davam etdirilir.
Daxili İşlər Nazirliyinin Mətbuat Xidmətinin Şirvan regional qrupundan Avtosfer.az-a verilən məlumata görə, RPŞ-nin Dövlət Yol Polisi Bölməsinin əməkdaşları tərəfindən keçirilən tədbir zamanı avtomobillərdən çıxan qazların tərkibində olan zərərli maddələrin miqdarı xüsusi avadanlıqlarla yoxlanılıb. Normadan artıq zəhərli qaz ixrac edən və atmosferi həddindən artıq çirkləndirən avtomobilləri idarə edən sürücülərlə profilaktik söhbətlər aparılıb.
Həmçinin polis əməkdaşları sürücülərlə izahedici söhbətlər apararaq avtomobillərin saz vəziyyətdə saxlanılması barədə tövsiyələr veriblər.
Bu istiqamətdə tədbirlər mütəmadi olaraq davam etdiriləcək.