Səbaildə reyd keçirilib: avtomobillərdən çıxan zərərli qazların miqdarı ölçülüb - VİDEO

Səbail rayonu ərzisində maarifləndirici reyd keçirilib. Avtosfer.az xəbər verir ki, tədbirin məqsədi avtromobillərdən ixrac olunan zərərli qazların miqdarını ölçmək və sürücüləri “Təmiz hava aylığı” barədə məlumatlandırmaq olub. 
Səbail rayon Dövlət Yol Polisi Şöbəsinin əməkdaşları tərəfindən keçirilən reyd zamanı saxlanılan avtomobillər xüsusi texniki vasitənin köməyi ilə yoxlanlıb. 
Noirmadan az artıq zərərli qazlar ixrac edən avtomobillərin sürücülərinə xəbərdarlıq edilib. Bildirilib ki, avtomobilləri saz vəziyyətdə saxlasınlar. 
Eyni zamanda normadan artıq zərərli qazlar ixrac edən avtomobillərin sürücüləri barəsində İnzibati Xətalar Məcəlləsinin 342.5-ci maddəsi ilə inzibati protokol tərtib olunub.

Reyd zamanı bəzi avtomobillərdən ixrac olunan zərərli qazların miqdarı normnalar çərçivəsində olub. Sürücülərlə söhbət zamanı bildiriblər ki, avtomobilə vaxtında texniki qulluq göstərmək hər bir kəsin vəzifəsidir. 

Qeyd edək ki, may ayının 31-ə qədər bu reydlər mütamadi olaraq davam etdiriləcək. 

Orxan