Şəki DYP təhlükəsizlik tədbiri keçirib - FOTO - VİDEO

Şəki Şəhər-Rayon Polis Şöbəsinin Dövlət Yol Polis Bölməsinin əməkdaşları, Daxili İşlər Nazirliyi tərəfindən təsdiq edilmiş tədbirlər planına uyğun olaraq 09 aprel 2021-ci il tarixdə, xidməti ərazidə təhlükəsizlik tədbiri keçirib. Dövlət Yol Polis Bölməsinin təbliğat və təşviqat üzrə inspektoru, polis baş leytenantı Tural Niftalıyev bildirib ki, 2020-ci il ərzində, respublika üzrə qeydə alınmış qəzaların 41.8%-i piyadaların vurulması ilə bağlı olmuşdur. Şəki Dövlət Yol Polis Bölməsi piyadaların iştirakı ilə baş verə biləcək yol-nəqliyyat hadisələrinin qarşısının alınması məqsədilə, 09 aprel 2021-ci il tarixdə, Şəki şəhəri ərazisində sürücülər tərəfindən piyadalara yol verilməməsi, habelə piyadalar tərəfindən yol hərəkəti qaydalarının  pozulması hallarının qarşısının alınması məqsədilə, mübarizə tədbirlərini gücləndirib. 09 aprel 2021-ci il tarixdə keçirilən təhlükəsizlik tədbiri zamanı, Şəki Dövlət Yol Polis Bölməsinin əməkdaşları tərəfindən, qeyd olunan qayda pozuntuları ilə bağlı 22 fakt aşkar edilərək, həmin hərəkət iştirakçıları barəsində inzibati tənbeh tədbirləri görülüb.