Şəki DYP-dən piyadalara XƏBƏRDARLIQ  - FOTO

Yol- nəqliyyat hadisələrinin təhlili göstərir ki,təkcə cari ilin ilk 3 ayı ərzində,respublika ərazisində piyadaların vurulması ilə bağlı 142 hadisə  qeydə alınmışdır ki,nəticədə 49 nəfər həlak olmuş, 99 nəfər isə  yaralanmışdır. Bu hadisələr ümumilikdə ölkədə baş verən yol-nəqliyyat hadisələrinin 37,8 %-ni təşkil edir.

Havaların isinməsi ilə əlaqədar,piyadaların hərəkət intensivliyində, eləcə də adətən aprel-  may aylarında piyadaların vurulması ilə nəticələnən yol-nəqliyyat hadisələrinin sayında artım müşahidə edildiyini nəzərə alaraq,bu istiqamətdə nəzarət- profilaktiki tədbirlərin daha da gücləndirilməsi,hərəkət iştirakçıları,xüsusilə piyadalar arasında intizamın möhkəmləndirilməsi məqsədi ilə Daxili İşlər Nazirliyinin 22 aprel 2021-ci il tarixli müvafiq göstərişinə əsasən cari ilin aprel ayının 26-dan may ayının 3-dək respublika ərazisində "Piyadalar,diqqətli olun!"şərti adı altında hərəkətin təhlükəsizliyi həftəliyi keçiriləcək.

Odur ki,yol hərəkəti qaydalarına riayət edin,qəzalardan uzaq olun.