Şəmkirdə Türkiyə vətəndaşı çətin vəziyyətə düşdü: köməyə yol polisləri gəldi - VİDEO - FOTO

Ötən gün axşam saatlarında Şəmkir rayonu Yasamal aşırımı deyilən ərazidə Türkiyə vətəndaşının idarə etdiyi yük avtomobilində texniki nasazlığ yaranıb. Nəticədə yolun kənarında çətin anlar yaşayan qardaş millətin nümayəndəsinə Azərbaycan polisi dəstək olub.

Avtosfer.az xəbər verir ki, Şəmkir rayon Dövlət Yol Polisi Bölməsinin əməkdaşları hadisə yerinə cəlb edilərək ərazidən keçən vətəndaşların təhlükəsiz, nəqliyyat vasitələrinin intizamlı hərəkət etməsini təmin ediblər. Bununla yanaşı yük avtomobili sıradan çıxmış şəxsə 2 saat boyunca köməklik edib, əraziyə usta dəvət ediblər.

Sonda isə polislərə video ilə öz təşəkkürünü bildirən sürücü, avtomobillə yanaşı onun özünə də xoş münasibət göstərildiyini qeyd edib.

Nurlan Sakitoğlu