Suraxanıda REYD: Yol polisi 21 maşını cərimə meydançasına apardı

Yol polisi 4 İyun 2023 14:30 Oxunub 14756
Suraxanıda REYD: Yol polisi 21 maşını cərimə meydançasına apardı
WhatsApp kanalımıza abunə ola bilərsiniz

Havanın isti keçməsi ilə əlaqədar, xüsusən də həftə sonları vətəndaşlarımızın asudə vaxtlarını, istirahətlərini tam təhlükəsiz formada təmin edilməsi məqsədilə Bakı şəhər Baş Polis İdarəsinin rəhbərliyinin təsdiq etdiyi xüsusi plana əsasən, mərkəzi küçə və prospektlərlə yanaşı, əhalinin dəniz kənarı ərazilərdə yerləşən istirahət və əyləncə məqsədli obyektlərə üz tutanların əhəmiyyətli dərəcədə artdığını nəzərə alıb yollarda nəqliyyatın fasiləsizliyini və təhlükəsizliyinin təmin olunması məqsədilə gücləndirilmiş qaydadə xidmət təşkil olunur. 

Bu barədə Avtosfer.az-a Bakı şəhər DYP-nin baş inspektoru, polis mayoru Araz Əsgərli məlumat verib.

O bildirib ki, ötən gecə tək Suraxanı Dövlət Yol Polisi Şöbəsinin əməkdaşlarının xidməti ərazisində keçirtdiyi tədbirlər zamanı 1 sərxoş, 2 sürücülük hüququ olmayan, 4 etibarnaməsiz, 13 yük avtomobili (şəhərə vaxtsız girməyə cəhd edən) və bir qaçırılmış avtomobil saxlanılaraq sahibinə təhvil verilib.

Nəzarət-profilaktik tədbirlər bütünlükdə paytaxt ərazisini əhatə etməklə davam etdirilir.

ŞƏRH YAZ
Ad

E-mail

Şərh