Utilizasiya necə olacaq və texniki baxışda pullar necə ödəniləcək? - DYP AÇIQLADI - VİDEO

Respublika ərazisində baş vermiş nəqliyyat hadisələrinin ağırlıq dərəcəsinin artmasına əhəmiyyətli dərəcədə təsir edən amillərdən biri də qəzada iştirak edən nəqliyyat vasitələrinin köhnəlmiş, texniki təhlükəsizlik baxımından yararsız olmasıdır.

Avtosfer.az xəbər verir ki, bunu Baş Dövlət Yol Polisi İdarəsinin baş inspektoru Elvin Hacıyev bildirib.

O qeyd edib ki, ölkəmizdə yol hərəkətinin təhlükəsizlik səviyyəsinin yüksəldilməsi, eləcə də ekaloji vəziyyətin yaxşılaşdırılması məqsədilə köhnəlmiş, texniki təhlükəsizlik baxımından yararsız avtomobillərin dövriyyədən çıxarılması məqsədilə nəqliyyat vasitələrinin utilizayisı proqramı hazırlanb. Bu proqramın qəbulundan sonra bununla bağlı bir çox qanunlara da dəyişikliklər edilib. 

E.Hacıyev bildirib ki, nəqliyyat vasitəsinin istismar müddəti 4 il tamam olduqdan sonra həmin avtomobil texniki baxışa təqdim edilməlidir. Nazirlər Kabinetinin müvafiq qərarı ilə təsdiq edilmiş utilizasiya haqqı ödənilməlidir.

Daha ətraflı videoda: