Yol polisi yolda qalan sürücüyə görün necə kömək etdi - FOTO

Avtomobildə yaranan nasazlıq səbəbindən yolda qalan sürücüyə polis əməkdaşları köməklik göstərib.

Avtosfer.az-a müraciət ünvanlayan sürücü qeyd edir ki, paytaxtın Niyazi küçəsində hərəkət edən zaman nasazlıq səbəbindən avtomobilin mühərriki sönüb. Sürücü yaranmış nasazlığı aradan qaldırmağa cəhd etsə də mühərrik işə düşməyib. “Yolda köməksiz vəziyyətdə qaldığımı görən Bakı Şəhər Dövlət Yol Polisi İdarəsinin Yol Patrul Xidməti Alayının Məhəmməd adlı əməkdaşı və 99-AP-638 qeydiyyat nişanlı Post Patrul Xidməti avtomobilinin əməkdaşları mənə yaxınlaşaraq köməklik etməyə başladılar. Onlar avtomobilimdə yaranmış nasazlığı aradan qaldırmaqda köməklik göstərərək mənzil başına getməyimi təmin etdilər”.

Göstərdikləri köməkliyə görə sürücü həmin polis əməkdaşlarına təşəkkürünü bildirir.

Təbriz