Yol polisi bayram öncəsi maarifləndirici tədbirlərə start verdi - FOTO

Bakı şəhər Dövlət Yol Polisi İdarəsi bu gün paytaxt ərazisində sürücülər arasında maarifləndirici tədbir keçirib.

Avtosfer.az xəbər verir ki, tədbir Yeni il ərəfəsində sürücülər arasında maarifləndirmə işi aparmaq, yol nəqliyyat hadisələrinin qarşısını almaq məqsədilə onlara qaydaları izah etməkdir.

Tədbir zamanı yol hərəkəti qaydalarını pozan sürücülər saxlanılıb. Bakı şəhər Dövlət Yol Polisi İdarəsinin bölmə rəisi polis kapitanı Toğrul Nəsirli sürücülərlə maarifləndirici söhbətlər aparıb, onlara təhlükəsizlik kəmərindən, sükan arxasında mobil telefondan istifadə, uşaqların avtomobillərdə daşınma qaydalarının pozulmasının yaratdığı təhlükələr barədə məlumat verib, 

Saxlanılan nəqliyyat vasitələrinin sürcülərinə və avtomobildə olan azyaşlı sərnişinlərə yol polisinin müxtəlif hədiyyələri təqdim edilib. 

Toğrul Nəsirli Avtosfer.az-a bildirib ki, Yeni il ərəfəsində yol polisi təbliğat işlərini gücləndirib. Məqsəd bayram günləri yol nəqliyyat hadisələrinin qarşısını almaq sürücülərin diqqətli olmasına, qayda pozmamasına yönələn addımlar atmaqdır.