Yol polisi "protiv" gedən "Porshe" sürücüsünü cərimələdi - VİDEO

Yol polisi 11 May 2020 19:41 Oxunub 3883
Yol polisi "protiv" gedən "Porshe" sürücüsünü cərimələdi - VİDEO
WhatsApp kanalımıza abunə ola bilərsiniz
Sürücü barəsində inzibati protokol tərtib olunub

Bakıda qaydaları kobud şəkildə pozan sürücü yol polisi tərəfindən aşkarlanıb. Suraxanı rayon Dövlət Yol Polisi Şöbəsindən Avtosfer.az-a verilən məlumata görə, rayonun Atamoğlan Rzayev küçəsində hərəkətdə olarkən qarşıdan əks istiqamətdə çıxaraq gələn 99 SN 722 dövlət nömrə nişanlı, "Porsche" markalı avtomobilin sürücüsü aşkar edilib.
Rayon Yol Polisi Şöbəsinin əməkdaşı, 99 YP 288 dövlət nömrə nişanlı patrul avtomobili ilə xidmət aparan polis serjantı Tural Kamranzadə "Porshe"nin sürücüsü Novruzlu Sahil Müşfiq oğlunu saxlayıb. Sürücüyə Avtosfer.az saytında yayımlanan video təqdim olunub. Sürücü qayda pozduğunu etiraf edib. 

Onun barəsində İnzibati Xətalar Məcəlləsinin 327.4-cü maddəsi ilə protokol tərtib olunub. 100 manat və 4 bal cərimə edilib. 

Qeyd edək ki, bu gün Suraxanı rayonu ərazisində əks istiqamətdə hərəkət edən sürücünün görüntüləri Avtosfer.az saytında yayımlanmışdı. 
Oxucumuz və saytımız adından Suraxanı DYPŞ-a operativ şəkildə reaksiya verdiyi və sürücünü cəzalandırdığı üçün təşəkkür edirik.

 

Fərid

FOTO QALEREYA
ŞƏRH YAZ
Ad

E-mail

Şərh