Yol polisi qarlı havada Xocalıda belə xidmət aparır - VİDEO

Ölkə ərazisində havanın yağıntılı keçməsi, yağan qar yollarda avtomobillərin hərəkətinə müəyyən çətinliklər yaradıb. Bununla əlaqədar olaraq yol polisi əməkdaşları operativ və təxirə salınmaz tədbirlər həyata keçirir.

Avtosfer.az xəbər verir ki, Xocalı Rayon Polis Şöbəsinin Dövlət Yol Polisi Bölməsinin əməkdaşları yolda qalan avtomobillərin hərəkətini davam etdirməsinə köməklik göstəriblər. Digər dövlət orqanları ilə birgə yollar, yol nişanları qardan və buzdan təmizlənib, hərəkətin intensiv olduğu yerlərə qum və duz səpilib. Bu istiqamətdə işlər fasiləsiz olaraq davam etdirilir.