Yol polisi sürücüləri postlarda saxladı: isti havada... - VİDEO

Baş Dövlət Yol Polisi İdarəsinin əməkdaşları isti hava şəraiti ilə əlaqədar olaraq stasionar postlarda maarifləndirici aksiyaları davam etdirir.

Avtosfer.az xəbər verir ki, sürücülər saxlanılır, onlarla maarifləndirici söhbətlər aparılır və yol boyu qanunvericiliyə uyğun olaraq 2 saatdan bir dincəlməli olduqları diqqətə çatdırılır. Həmçinin isti havada sürücü və sərnişinlərə sərin su təklif olunur. 
DYP əməkdaşlarının bu gün Qaradağ rayonu ərazisində yerləşən stasionar postda keçirdikləri tədbir zamanı xüsusilə kondisioneri olmayan avtomobillərin sürücülərinə xəbərdarlıq olunub. Onlara daha tez müddətdə dincəlmələri tövsiyə edilib. 
Sürücü və sərnişinlər yaradılmış bu şəraitə görə Daxili İşlər Nazirliyinin və Dövlət Yol Polisi İdarəsinin rəhbərliyinə və əməkdaşlarına təşəkkür ediblər.

Tədbirdən hazırlanmış videomaterialı təqdim edirik:

Emin