Yol Polisi tədbir keçirdi: qaydalara əməl edən sürücülərə kabab verildi - VİDEO

Türkiyənin Adana şəhərində Yol Polisi Şöbəsinin əməkdaşları iki rayonda işıqforun olmadığı dairələrdə nəqliyyat vasitələrinin sürücüləri arasında məlumatlandırıcı tədbir keçiriblər. Avtosfer.az yerli KİV-ə istinadən xəbər verir ki, tədbir Çukurova və Yüreğir rayonlarını birləşdirən 15 İyul Şəhidlər Körpüsünün hər iki istiqamətində olan müasir dairələrdə baş tutub.

Belə ki, polis əməkdaşları sürücülərə dairədə hərəkət edən nəqliyyat vasitələrinin üstün olduğunu xatırladıb və yol nişanlarında olan xəbərdarlıqlara diqqət etmələrini xahiş ediblər.

Tədbirdə qaydalara əməl edən sürücülərə, “Bütün restoranlar” və “Turizm dərnəyi”nə üzv olan bir restoran personalı tərəfindən hazırlanan kabablar təqdim olunub.

Namiq Musayev