Yol polisinə tabe olmayan sürücü həbs edildi - 8 gün

Azərbaycanda yol polisinə tabesizlik göstərən sürücü həbs edilib.

Avtosfer.az-ın əldə etdiyi məlumata görə, avqustun 30-da saat 11 radələrində Bakı-Quba yolunun 9-cu km-də-Abşeron rayonu ərazisində Bakı şəhər sakini 1990-cı il təvəllüdlü Toğrul Əmirovun idarə etdiyi “Kia” markalı avtomobil standartlara uyğun olmadığı üçün saxlanılıb.Yol polisi əməkdaşları sürücüdən sənədlərin təqdim edilməsini tələb etdikdə isə sürücü polislərə qarşı tabesizlik göstərib.
T.Əmirov Abşeron RPİ-yə təhvil verilib və onun barəsində İnzibati Xətalar Məcəlləsinin 535.1-ci maddəsi ilə protokol tərtib edilərək rayon məhkəməsinə göndərilib. Məhkəmənin qərarı ilə sürücü Toğrul Əmirov 8 gün müddətinə inzibati qaydada həbs edilib.