Yol polisinə tabe olmayan sürücü məhəllə yolunda qəza törətdi: HƏBS OLUNDU

Paytaxtın Xətai rayonu ərazisində qəza törədərək yol polisinə tabe olmayan sürücü saxlanılıb. Hadisə ilə bağlı Bakı şəhər Dövlət Yol Polisi İdarəsindən Avtosfer.az-a verilən məlumata görə, dekabrın 24-də saat 02:40 radələrində sürücü Əliyev Məhəmməd Rauf oğlu "Baic" markalı avtomobillə hərəkətdə olarkən qanuna uyğun olaraq verilən işarəyə qəsdən tabe olmayıb və hərəkətinə davam edib. O, məhləlləarası küçəyə daxil olub və avtomobili önə-geriyə verərkən yol-nəqliyyat hadisəsi törədib. Daha sonra sürücü hadisədən yayınmaq üçün ərazidən uzaqlaşmağa cəhd edib.

Lakin polis əməkdaşlarının çevik müdaxiləsi nəticəsində qanuna tabe olmayan sürücü saxlanılaraq Xətai rayonu 34-cü Polis Şöbəsinə təhvil verilib və haqqında məruzə tərtib olunub. Toplanmış sənədlər Xətai rayon Məhkəməsinə təqdim olunub. İnzibati Xətalar Məcəlləsinin 332.4 və 535.1 bəndlərinə əsasən sürücü təqsirli bilinərək barəsində 20 gün müdddətində inzibati qaydada həbs tərtib olunub.

Nərmin