Yol polisinin bu addımı bəzi sürücülərə “göz dağı” verir - VİDEO

Son günlər paytaxtın bəzi küçə və prospektlərində sürücülərə demək olar ki, yol kənarında maşın saxlamağa imkan verilmir.

Xüsusilə "Formula 1" yarışı ərəfəsində mərkəzi yollarda sıxlıq yaranmasın deyə hərəkət Yol Polisi tərəfindən mütəmadi olaraq tənzimlənir.

"Görülən tədbirlərin daimi olmasını arzulayan sürücülərin bir çoxu bu vəziyyətdən razıdır."

"Ancaq müştərini mərkəzi yollarda mindirib-düşürən taksi sürücüləri dayanma-durma ilə bağlı onlara şəraitin yaradılmasını da istəyirlər."

Bakı Şəhər Dövlət Yol Polisi İdarəsinin baş inspektoru Araz Əsgərli bildirib ki, şəhərin mərkəzi hissəsində nəqliyyatın fasiləsizliyini, eləcə də piyadaların hərəkəti üçün mümkün imkanların tam təmin olunması məqsədilə tədbirlər görülür.

Qeyd edək ki, "Formula 1" Azərbaycan qran-prisi ilə əlaqədar bağlanan yollarda hərəkət mayın 2-də bərpa olunacaq.