Yol polisinin gözü önündə telefonla danışan "BakuBus" sürücüsü cərimələndi - VİDEO

Bu gün Sabunçu rayonu ərazisində 90-JU-869 dövlət nömrə nişanlı, 172 nömrəli müntəzəm marşrut xətti ilə hərəkətdə olan, "BakuBus" MMC-yə məxsus avtobusun sürücüsü sükan arxasında mobil telefon ilə danışıb.

Avtosfer.az xəbər verir ki, hadisə ərazidə xidmət aparan Sabunçu rayon Dövlət Yol Polisi Şöbəsinin əməkdaşlarının gözü önündə baş verib. DYP əməkdaşları sürücünü saxlayaraq onunla müvafiq qaydada profilaktiki söhbət aparıb və bu əməlin inzibati xəta yaratmaqla yanaşı həm də təhlükəli olduğunu izah edib. Sürücü isə avtobusun nasaz olduğunu bəhanə gətirərək "vacib zəng etməlili idim" deyə cavab verib. DYP əməkdaşı isə sürücüyə izah edib ki, bunun üçün nəqliyyat vasitəsini saxlayıb müvafiq addımı ata bilərdi.
Sürücü barəsində İnzibati Xətalar Məcəlləsinin müvafiq maddəsi ilə protokol tərtib olunub.

Videonu təqdim edirik:

Leyla