Yol polisləri ağır vəziyyətdə olan uşağı XİLAS ETDİ

Baş Dövlət Yol Polisi İdarəsinin Yol-Patrul Xidməti Alayının 2-ci taqımının əməkdaşları ağır vəziyyətdə olan uşağın həyatını xilas ediblər.

Avtosfer.az xəbər verir ki, avqustun 10-da səhər saatlarında xidmətdə olan polis əməkdaşları yol kənarında təlaşlı şəxslər görüblər. Dərhal onlara yaxınlaşaraq  nə baş verdiyini öyrəndikdən sonra vaxt itirmədən azyaşlını və ailəsini  rayon xəstəxanasına çatdırıblar.

YPX əməkdaşları tibbi yardım göstərilən uşaq özünə gələnə qədər xəstəxananı tərk etməyiblər.

Qeyd edək ki, hazırda azyaşlının vəziyyəti yaxşıdır.

Könül