Yol polisləri gecə vaxtı yolda qalan sürücüyə yaxınlaşıb görün nə etdilər - VİDEO

Yolda qalan sürücünün köməyinə yol polisləri çatıb. Avtosfer.az xəbər verir hadisə sentyabrın 17-də, paytaxtın hava limanı yolunda baş verib. Belə ki, 10-GH-563 qeydiyyat nişanlı "VAZ 2106" markalı avtomobilin yanacağı bitdiyi üçün yolun kənarında qalıb. Ərazidə xidmət aparan Suraxanı rayon Dövlət Yol Polisi Şöbəsinin əməkdaşları sürücüyə yaxınlaşıblar. 90-YP-585 qeydiyyat nişanlı YPX avtomobilində xidmət aparan polis baş serjantı Süleymanlı Pərviz Mehman oğlu yanacaqdoldurma məntəqəsinə qədər avtomobili itələyib, digər əməkdaş isə patrul avtomobili ilə onların təhlükəsizliyini təmin edib. Avtomobilə yanacaq doldurduqdan sonra sürücünün mənzil başına getməsini təmin ediblər. Sürücü polis əməkdaşlarının bu cür xidmətinə görə onlara öz təşəkkürünü bildirib.

Sözügedən videonu təqdim edirik:


Nərmin