Zaqatalada dövlət qeydiyyat nişanı olmadan avtomobil idarə edənlər cəzalandırıldı - FOTO

Zaqatala Rayon Polis Şöbəsinin Dövlət Yol Polisi Bölməsinin əməkdaşları tərəfindən dövlət qeydiyyat nişanı olmadan avtomobil idarə edən, nəqliyyat vasitəsində konstruksiya dəyişikliyinə yol verən sürücülərə qarşı tədbir keçirilib.

Daxili İşlər Nazirliyinin Mətbuat Xidmətinin Şəki regional qrupundan Avtosfer.az-a verilən məlumata görə, şəhər müxtəlif ərazilərində keçirilən tədbir zamanı sadalanan qayda pozuntularına yol verən sürücülər polis əməkdaşları tərəfindən müəyyən edilib və barələrin İnzibati Xətalar Məcəlləsinin müvafiq maddələri ilə protokol tərtib olunub.

Yollarda hərəkətin təhlükəsizliyinin təmini, eləcə də baş verə biləcək xoşagəlməz hadisələrin qarşısının alınması məqsədilə bu istiqamətdə tədbirlər davam etdirilir.